New Frontiers

L'evoluzione sociale non serve al popolo

se non è preceduta da un'evoluzione di pensiero.

The new frontiers

of the nouvelle vague.

                                       

  Organizza la tua mente in nuove dimensioni

     

    Libera il tuo corpo da ataviche oppressioni

                                          

Libera la tua immaginazione temporale

Era de maggio e te cadeano nzino

a schiocche a schiocche li ccerase rosse,

fresca era ll'aria e tutto lu ciardino

addurava de rose a ciente passe.

Era de maggio; io, no, nun me ne scordo,

na canzona cantàvemo a doie voce;

cchiù tiempo passa e cchiù me n'allicordo,

fresca era l'aria e la canzona doce.

   E diceva: 

«Core, core!

core mio, luntano vaie;

tu me lasse e io conto ll'ore,

chi sa quanno turnarraie!»

E sò turnato, e mo, comm' a na vota,

cantammo nzieme lu mutivo antico;

passa lu tiempo e lu munno s'avota,

ma l'ammore vero, no, nun vota vico.

De te, bellezza mia, m'annammuraie,

si t'allicurde, nnanz' a la funtana:

ll'acqua llà dinto nun se secca maie,

e ferita d'ammore nun se sana.

Nun se sana: ca sanata

si fosse, gioia mia,

mmiezzo a st'aria mbarzamata

a guardarte io nù starria!

E te dico:

 «Core, core!

core mio, turnato io sò,

torna a maggio e torna ammore,

fa de me chello che buò!».